کیا سروکار اب کسی سے مجھے
کیا سروکار اب کسی سے مجھے
واسطہ تھا تو تھا تجھی سے مجھے
بے حسی کا بھی اب نہیں احساس
کیا ہوا تیری بے رخی سے مجھے
موت کی آرزو بھی کر دیکھو
کیا امیدیں تھیں زندگی سے مجھے
پھر کسی پر نہ اعتبار آئے
یوں اتارو نہ اپنے جی سے مجھے
تیرا غم بھی نہ ہو تو کیا جینا
کچھ تسلی ہے درد ہی سے مجھے
کتنا پرکار ہو گیا ہوں کہ تھا
واسطہ تیری سادگی سے مجھے
کر گئے کس قدر تباہ ضیاؔ
دشمن انداز دوستی سے مجھے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
