aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

کیا شوخ و شنگ شے نگہ شرمگیں بھی ہے

رشید کوثر فاروقی

کیا شوخ و شنگ شے نگہ شرمگیں بھی ہے

رشید کوثر فاروقی

MORE BYرشید کوثر فاروقی

    کیا شوخ و شنگ شے نگہ شرمگیں بھی ہے

    چلمن سے جھانکتی بھی ہے چلمن نشیں بھی ہے

    غنچے شگوفے چھوڑنے والے ہیں عنقریب

    اس عہد خورد بیں میں کوئی دوربیں بھی ہے

    اپنے مزاج ہی کے تعاقب میں ہوں ہنوز

    فرش سفال بھی فلک چار میں بھی ہے

    ہم آپ پر نہ آپ کریں ہم پہ اعتماد

    دامن کے ساتھ ساتھ یہاں آستیں بھی ہے

    تکیہ کرم پہ کیسے کروں میں کہ ناز حسن

    نکتہ نواز ہے تو سہی نکتہ چیں بھی ہے

    کرتے ہو اپنے شہر کو کیا کیا ملامتیں

    جس کی کمی ہے جا کے تو دیکھوں کہیں بھی ہے

    دیتا ہے آدمی کو سہارا قدم قدم

    اک طائف‌ الخیال جو ہے بھی نہیں بھی ہے

    روپوشیٔ سجود میں بھی نیت نمود

    ٹپکا کلنک کا مرا داغ جبیں بھی ہے

    نقل وطن بھی کر کے کہاں جائیے گا آپ

    بندوں کی زد پہ اب تو خدا کی زمیں بھی ہے

    اپنے کو کتنے سانپ سے ڈسوا رہے ہیں ہم

    مسحور ہیں کہ وقت کی ناگن حسیں بھی ہے

    کیا آپ جھٹپٹے کو بھی پہچانتے نہیں

    دستی ہے جو صباح وہ کیا راستیں بھی ہے

    جینا ادھر محال ہے مرنا ادھر محال

    زہراب بھی وہی ہے وہی انگبیں بھی ہے

    ہم طائران عرش کو پیچھے سے مت پکار

    ماضی کی یادگار تو دیوار چیں بھی ہے

    شاید جناب نوح بھی ہوں گے گلہ گزار

    افسانہ ناتمام دم واپسیں بھی ہے

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے