kya ye aafat nahin azab nahin

kyā ye aafat nahīñ 'azāb nahīñ

dil kī hālat bahut ḳharāb nahīñ

buud pal pal kī be-hisābī hai

ki muhāsib nahīñ hisāb nahīñ

ḳhuub gaao bajāo aur piyo

in dinoñ shahr meñ janāb nahīñ

sab bhaTakte haiñ apnī galiyoñ meñ

tā-ba-ḳhud koī bāryāb nahīñ

tū hī merā savāl azal se hai

aur sājan tirā javāb nahīñ

hifz hai shams-e-bāzġha mujh ko

par mayassar vo māhtāb nahīñ

tujh ko dil-dard kā nahīñ ehsās

so mirī pinḌliyoñ ko daab nahīñ

nahīñ juḌtā ḳhayāl ko bhī ḳhayāl

ḳhvāb meñ bhī to koī ḳhvāb nahīñ

satar-e-mū us kī zer-e-nāf kī haa.e

jis kī chāqū-zanoñ ko taab nahīñ

kya ye aafat nahin 'azab nahin

dil ki haalat bahut KHarab nahin

bud pal pal ki be-hisabi hai

ki muhasib nahin hisab nahin

KHub gao bajao aur piyo

in dinon shahr mein janab nahin

sab bhaTakte hain apni galiyon mein

ta-ba-KHud koi baryab nahin

tu hi mera sawal azal se hai

aur sajan tera jawab nahin

hifz hai shams-e-bazgha mujh ko

par mayassar wo mahtab nahin

tujh ko dil-dard ka nahin ehsas

so meri pinDliyon ko dab nahin

nahin juDta KHayal ko bhi KHayal

KHwab mein bhi to koi KHwab nahin

satar-e-mu us ki zer-e-naf ki hae

jis ki chaqu-zanon ko tab nahin