kyon mili aur phir mili kya hai
kyoñ milī aur phir milī kyā hai
yaar socho ki zindagī kyā hai
un kī qurbat nasīb hai jin ko
un se pūchho ki bandagī kyā hai
dā.imī hai agar yahī duniyā
phir batāo ki 'ārzī kyā hai
raah chalte agar lage Thokar
ruk ke socho kahāñ kamī kyā hai
hai bazāhir to aadmī lekin
pūchhtā hai ki aadmī kyā hai
'umr guzrī hai ġham ke saa.e meñ
maiñ na jānūñ koī ḳhushī kyā hai
dostī baa'd meñ 'malik' karnā
pahle samjho ki dostī kyā hai
kyon mili aur phir mili kya hai
yar socho ki zindagi kya hai
un ki qurbat nasib hai jin ko
un se puchho ki bandagi kya hai
daimi hai agar yahi duniya
phir batao ki 'arzi kya hai
rah chalte agar lage Thokar
ruk ke socho kahan kami kya hai
hai bazahir to aadmi lekin
puchhta hai ki aadmi kya hai
'umr guzri hai gham ke sae mein
main na jaanun koi KHushi kya hai
dosti ba'd mein 'malik' karna
pahle samjho ki dosti kya hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
