kyon sar se panw tak main aTa hun ghubar mein
kyon sar se panw tak main aTa hun ghubar mein
Kashif Husain Ghair
MORE BYKashif Husain Ghair
kyoñ sar se paañv tak maiñ aTā huuñ ġhubār meñ
ghar meñ paḌā huuñ yā maiñ kisī rahguzār meñ
mā'lūm kuchh nahīñ ki mujhe der kyoñ huī
mere sivā bhī koī nahīñ thā qatār meñ
ye 'ishq haar jiit se aage kī baat hai
duniyā lagī huī hai magar jiit haar meñ
sahrā meñ koī aur mujhe kaam hī nahīñ
vahshat piro rahā huuñ garebāñ ke taar meñ
kyā pūchhte ho mujh se mire iḳhtiyār kī
bas jabr rah gayā hai mire iḳhtiyār meñ
'ġhā.er' jo apne aap se milne kā vaqt hai
vo sarf ho rahā hai ġham-e-rozgār meñ
kyon sar se panw tak main aTa hun ghubar mein
ghar mein paDa hun ya main kisi rahguzar mein
ma'lum kuchh nahin ki mujhe der kyon hui
mere siwa bhi koi nahin tha qatar mein
ye 'ishq haar jit se aage ki baat hai
duniya lagi hui hai magar jit haar mein
sahra mein koi aur mujhe kaam hi nahin
wahshat piro raha hun gareban ke tar mein
kya puchhte ho mujh se mere iKHtiyar ki
bas jabr rah gaya hai mere iKHtiyar mein
'ghaer' jo apne aap se milne ka waqt hai
wo sarf ho raha hai gham-e-rozgar mein
- Book : Ek Shaam Tumhare Hisse Ki (Pg. 105)
- Author : Kashif Husain Ghair
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
