lakh dil ne pukarna chaha

laakh dil ne pukārnā chāhā

maiñ ne phir bhī tumheñ nahīñ rokā

tum mirī vahshatoñ ke sāthī the

koī āsān thā tumheñ khonā?

tum mirā dard kyā samajh paate

tum ne to sher tak nahīñ samjhā

kyā kisī ḳhvāb kī talāfī hai?

aañkh kī dhajjiyoñ kā uḌ jaanā

is se rāhat kashīd kar!! din raat

dard ne mustaqil nahīñ rahnā

aap ke mashvaroñ pe chalnā hai?

achchhā suniye maiñ saañs le luuñ kyaa?

ḳhvāb meñ amritā ye kahtī thī

in se koī sila nahīñ beTā

dekh tezāb se jale chehre

ham haiñ aise samāj kā hissa

laḌkhaḌānā nahīñ mujhe phir bhī

tum mirā haath thaam kar rakhnā

vārisān-e-ġham-o-alam haiñ ham

ham salonī kitāb kā qissa

sun mirī bad-gumāñ parī!! sun to

har koī bheḌiyā nahīñ hotā

lakh dil ne pukarna chaha

main ne phir bhi tumhein nahin roka

tum meri wahshaton ke sathi the

koi aasan tha tumhein khona?

tum mera dard kya samajh pate

tum ne to sher tak nahin samjha

kya kisi KHwab ki talafi hai?

aankh ki dhajjiyon ka uD jaana

is se rahat kashid kar!! din raat

dard ne mustaqil nahin rahna

aap ke mashwaron pe chalna hai?

achchha suniye main sans le lun kya?

KHwab mein amrita ye kahti thi

in se koi sila nahin beTa

dekh tezab se jale chehre

hum hain aise samaj ka hissa

laDkhaDana nahin mujhe phir bhi

tum mera hath tham kar rakhna

warisan-e-gham-o-alam hain hum

hum saloni kitab ka qissa

sun meri bad-guman pari!! sun to

har koi bheDiya nahin hota