lakh rahe shahron mein phir bhi andar se dehati the

laakh rahe shahroñ meñ phir bhī andar se dehātī the

dil ke achchhe log the lekin thoḌe se jazbātī the

ab bhī aksar ḳhvāb meñ un ke dhuñdle chehre aate haiñ

merī guḌiyā kī shādī meñ jo nanhe bārātī the

apne gird lakīreñ khīñcheñ aur phir un meñ qaid hue

is duniyā meñ khel the jitne saare hī tabqātī the

jhoñpaḌiyoñ meñ rahne vaale un kī fitrat jaan ga.e

kabhī kabhī chaḌh aane vaale naale jo barsātī the

jis bādal ne sukh barsāyā jis kī chhāñv meñ priit milī

āñkheñ khol ke dekhā to vo sab mausam lamhātī the

jin ko baḌā maanā thā maiñ ne 'farhat' vo kyuuñ bhuul ga.e

kuchh goshe mere jīvan ke bilkul mere zaatī the

lakh rahe shahron mein phir bhi andar se dehati the

dil ke achchhe log the lekin thoDe se jazbaati the

ab bhi aksar KHwab mein un ke dhundle chehre aate hain

meri guDiya ki shadi mein jo nanhe baraati the

apne gird lakiren khinchen aur phir un mein qaid hue

is duniya mein khel the jitne sare hi tabqati the

jhonpaDiyon mein rahne wale un ki fitrat jaan gae

kabhi kabhi chaDh aane wale nale jo barsati the

jis baadal ne sukh barsaya jis ki chhanw mein prit mili

aankhen khol ke dekha to wo sab mausam lamhati the

jin ko baDa mana tha main ne 'farhat' wo kyun bhul gae

kuchh goshe mere jiwan ke bilkul mere zati the