lala-o-gul ka lahu lakh bahaya jae

Khwaja Shauq

lala-o-gul ka lahu lakh bahaya jae

Khwaja Shauq

MORE BYKhwaja Shauq

    lāla-o-gul lahū laakh bahāyā jaa.e

    ye chaman chhoḌ ke ham se to na jaayā jaa.e

    phir rahe haiñ sabhī chehroñ pe naqābeñ Daale

    kis ko hālāt ā.īna dikhāyā jaa.e

    rañg par jashn-e-bahārāñ jabhī aa saktā hai

    phuul kāñToñ meñ koī farq na paayā jaa.e

    apnī tahzīb iḳhlās-o-ravādārī hai

    is ko ha.Tne se ba-har-hāl bachāyā jaa.e

    sab barābar ke haiñ haqdār chaman-sāzī meñ

    phir kise harf-e-ġhalat kah ke miTāyā jaa.e

    ḳhud-baḳhud qaum taqdīr sañvar jā.egī

    pahle bigḌā huā māhaul banāyā jaa.e

    rahe haiñ sabhī ehsās kuchal kar apnā

    ab kise dard ehsās dilāyā jaa.e

    sirf ham uTh ga.e uupar to koī shaan nahīñ

    shaan to ye hai ki girtoñ ko uThāyā jaa.e

    ḳhuun bastā hai tamannāoñ āñkheñ kyā haiñ

    kaun ḳhvāb nigāhoñ meñ basāyā jaa.e

    ādamiyat ke charāġhoñ laveñ tez karo

    na ho aisā ki badan chhoḌ ke saaya jaa.e

    manzileñ aisī bhī haiñ fikr-e-bashar se aage

    jin had meñ na ishāra na kināya jaa.e

    'shauq' dil naam to hai ek chaman zaḳhmoñ

    silsila is magar kis se milāyā jaa.e

    lala-o-gul ka lahu lakh bahaya jae

    ye chaman chhoD ke hum se to na jaya jae

    phir rahe hain sabhi chehron pe naqaben Dale

    kis ko haalat ka aaina dikhaya jae

    rang par jashn-e-bahaaran jabhi aa sakta hai

    phul kanTon mein koi farq na paya jae

    apni tahzib hi iKHlas-o-rawadari hai

    is ko haTne se ba-har-haal bachaya jae

    sab barabar ke hain haqdar chaman-sazi mein

    phir kise harf-e-ghalat kah ke miTaya jae

    KHud-baKHud qaum ki taqdir sanwar jaegi

    pahle bigDa hua mahaul banaya jae

    ji rahe hain sabhi ehsas kuchal kar apna

    ab kise dard ka ehsas dilaya jae

    sirf hum uTh gae upar to koi shan nahin

    shan to ye hai ki girton ko uThaya jae

    KHun basta hai tamannaon ka aankhen kya hain

    kaun sa KHwab nigahon mein basaya jae

    aadamiyat ke charaghon ki lawen tez karo

    na ho aisa ki badan chhoD ke saya jae

    manzilen aisi bhi hain fikr-e-bashar se aage

    jin ki had mein na ishaara na kinaya jae

    'shauq' dil nam to hai ek chaman zaKHmon ka

    silsila is ka magar kis se milaya jae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY