lāla-zāroñ meñ zard phuul huuñ maiñ
fasl-e-gul hai magar malūl huuñ maiñ
chāñd-tāroñ ko rashk hai mujh par
tere qadmoñ kī sirf dhuul huuñ maiñ
kyuuñ mujhe sañgsār karte ho
kab ye maiñ ne kahā rasūl huuñ maiñ
nūr-e-sar-mastī-e-abad huuñ magar
mai-e-shaffāf meñ hulūl huuñ maiñ
ranj-o-ġham kyuuñ na merī qadr kareñ
be-ġharaz aur bā-usūl huuñ maiñ
chāñdnī kyā payām laa.ī hai
aaj kuchh aur bhī malūl huuñ maiñ
sab ke haq meñ huuñ shāḳh-e-gul lekin
sirf apne liye babūl huuñ maiñ
mujh pe hī yūrish-e-alam kyuuñ hai
jab haqīqat meñ terī bhuul huuñ maiñ
ġham-e-hijrāñ hī vo sahī 'ābid'
koī to hai jise qubūl huuñ maiñ
lala-zaron mein zard phul hun main
fasl-e-gul hai magar malul hun main
chand-taron ko rashk hai mujh par
tere qadmon ki sirf dhul hun main
kyun mujhe sangsar karte ho
kab ye main ne kaha rasul hun main
nur-e-sar-masti-e-abad hun magar
mai-e-shaffaf mein hulul hun main
ranj-o-gham kyun na meri qadr karen
be-gharaz aur ba-usul hun main
chandni kya payam lai hai
aaj kuchh aur bhi malul hun main
sab ke haq mein hun shaKH-e-gul lekin
sirf apne liye babul hun main
mujh pe hi yurish-e-alam kyun hai
jab haqiqat mein teri bhul hun main
gham-e-hijran hi wo sahi 'abid'
koi to hai jise qubul hun main
Source:
Intikhab Apna Apna (Pg. 90)
-
- Edition: 1987
- Publisher: Seemant Parkashan, New Delhi
- Year of Publication: 1987
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.