lab-e-izhaar pe jab harf-e-gawahi aae

lab-e-iz.hār pe jab harf-e-gavāhī aa.e

āhanī haar liye dar pe sipāhī aa.e

vo kiran bhī to mire naam se mansūb karo

jis ke luTne se mire ghar meñ siyāhī aa.e

mere hī ahd meñ sūraj kī tamāzat jaage

barf kā shahr chaTaḳhne kī sadā hī aa.e

itnī pur-haul siyāhī kabhī dekhī to na thī

shab kī dahlīz pe jalne ko diyā hī aa.e

rah-rav-e-manzil-e-maqtal huuñ mire saath 'sabā'

jo bhī aa.e vo kafan oḌh ke raahī aa.e

lab-e-izhaar pe jab harf-e-gawahi aae

aahani haar liye dar pe sipahi aae

wo kiran bhi to mere nam se mansub karo

jis ke luTne se mere ghar mein siyahi aae

mere hi ahd mein suraj ki tamazat jage

barf ka shahr chaTaKHne ki sada hi aae

itni pur-haul siyahi kabhi dekhi to na thi

shab ki dahliz pe jalne ko diya hi aae

rah-raw-e-manzil-e-maqtal hun mere sath 'saba'

jo bhi aae wo kafan oDh ke rahi aae