lafzon ke siyah pairahan mein lipTi hui kuchh tanwiren hain

Makhmoor Saeedi

lafzon ke siyah pairahan mein lipTi hui kuchh tanwiren hain

Makhmoor Saeedi

MORE BYMakhmoor Saeedi

    lafzoñ ke siyah pairāhan meñ lipTī huī kuchh tanvīreñ haiñ

    ai dīda-varo pahchāno to kis haath ye tahrīreñ haiñ

    jaatī huī rut kab ruktī hai ai dil ye abas tadbīreñ haiñ

    jo qaid havāoñ ko kar leñ kyā aisī bhī kuchh zanjīreñ haiñ

    naġhma vo kis ne chheḌā hai bichhḌe hue ġham sab aan mile

    āvāz lahroñ par larzāñ sau mohr-ba-lab tasvīreñ haiñ

    āvāra havā ke jhoñkoñ par akasr ye gumāñ guzrā jaise

    ye ham se preshāñ-hāloñ be-samt-o-jehat taqdīreñ haiñ

    is shahr meñ le kar aa.e haiñ ham shabnam-o-gul sauġhāteñ

    āñkhoñ meñ jahāñ añgāre haiñ hāthoñ meñ jahāñ shamshīreñ haiñ

    kuchh ḳhvāb ujāloñ ke ham ne dekhe the magar tā-hadd-e-nazar

    jo zulmat ban kar phail ga.iiñ kin ḳhvāboñ ta.abīreñ haiñ

    kyuuñ aaj jānī-pahchānī shakloñ se nazar mānūs nahīñ

    āñkhoñ meñ jo phirtī rahtī haiñ kis daur ye tasvīreñ haiñ

    ham apnī zaat ke zindāñ se bāhar jo nikal aa.e bhī to kyā

    qadmoñ se jo lipTī paḌtī haiñ rāheñ ye nahīñ zanjīreñ haiñ

    lafzon ke siyah pairahan mein lipTi hui kuchh tanwiren hain

    ai dida-waro pahchano to kis hath ki ye tahriren hain

    jati hui rut kab rukti hai ai dil ye abas tadbiren hain

    jo qaid hawaon ko kar len kya aisi bhi kuchh zanjiren hain

    naghma wo kis ne chheDa hai bichhDe hue gham sab aan mile

    aawaz ki lahron par larzan sau mohr-ba-lab taswiren hain

    aawara hawa ke jhonkon par akasr ye guman guzra jaise

    ye hum se preshan-haalon ki be-samt-o-jehat taqdiren hain

    is shahr mein le kar aae hain hum shabnam-o-gul ki saughaten

    aankhon mein jahan angare hain hathon mein jahan shamshiren hain

    kuchh KHwab ujalon ke hum ne dekhe the magar ta-hadd-e-nazar

    jo zulmat ban kar phail gain kin KHwabon ki tabiren hain

    kyun aaj ki jaani-pahchani shaklon se nazar manus nahin

    aankhon mein jo phirti rahti hain kis daur ki ye taswiren hain

    hum apni zat ke zindan se bahar jo nikal aae bhi to kya

    qadmon se jo lipTi paDti hain rahen ye nahin zanjiren hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY