lafzon ki taswir banati dil mein qaid hui
lafzoñ kī tasvīr banātī dil meñ qaid huī
ek samay vo achchhī laḌkī dil meñ qaid huī
kore kāġhaz par kheñchī thī maiñ ne ik tasvīr
jañgal jañgal uḌtī titlī dil meñ qaid huī
us ke baad vahī tasvīreñ sab ko dikhātā huuñ
ḳhvāboñ kī vo duniyā saarī dil meñ qaid huī
dil ko dukhātī hai phir bhī kyuuñ achchhī lagtī hai
yādoñ kī ye shaam suhānī dil meñ qaid huī
kaun sā taarā us kā ghar hai soch rahā thā maiñ
raat parī āñgan meñ utrī dil meñ qaid huī
āvāra bādal the ham bhī kyā karte āḳhir
ek kiran ghar meñ le aa.ī dil meñ qaid huī
lafzon ki taswir banati dil mein qaid hui
ek samay wo achchhi laDki dil mein qaid hui
kore kaghaz par khenchi thi main ne ek taswir
jangal jangal uDti titli dil mein qaid hui
us ke baad wahi taswiren sab ko dikhata hun
KHwabon ki wo duniya sari dil mein qaid hui
dil ko dukhati hai phir bhi kyun achchhi lagti hai
yaadon ki ye sham suhani dil mein qaid hui
kaun sa tara us ka ghar hai soch raha tha main
raat pari aangan mein utri dil mein qaid hui
aawara baadal the hum bhi kya karte aaKHir
ek kiran ghar mein le aai dil mein qaid hui
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
