lahu ki aanch jaisa ho raha hai

Nabeel Ahmad Nabeel

lahu ki aanch jaisa ho raha hai

Nabeel Ahmad Nabeel

MORE BYNabeel Ahmad Nabeel

    lahū aañch jaisā ho rahā hai

    tumhārā ġham sitāra ho rahā hai

    ye kaun aayā hai bām-e-ārzū par

    fazāoñ meñ ujālā ho rahā hai

    jhaḌī hai dhuul kis ke naqsh-e-pā se

    bahut āsān rasta ho rahā hai

    sikuḌtī rahī hai mujh pe dhartī

    badan merā kushāda ho rahā hai

    mirī palkoñ pe ik mauhūm aañsū

    ki shabnam se sharāra ho rahā hai

    samajhtī hai yahī duniyā ki mujh ko

    mohabbat meñ ḳhasāra ho rahā hai

    asā jab se 'nabīl' aayā mayassar

    samundar bhī kinārā ho rahā hai

    lahu ki aanch jaisa ho raha hai

    tumhaara gham sitara ho raha hai

    ye kaun aaya hai baam-e-arzu par

    fazaon mein ujala ho raha hai

    jhaDi hai dhul kis ke naqsh-e-pa se

    bahut aasan rasta ho raha hai

    sikuDti ja rahi hai mujh pe dharti

    badan mera kushada ho raha hai

    meri palkon pe ek mauhum aansu

    ki shabnam se sharara ho raha hai

    samajhti hai yahi duniya ki mujh ko

    mohabbat mein KHasara ho raha hai

    asa jab se 'nabil' aaya mayassar

    samundar bhi kinara ho raha hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY