lahu ko dil ke jo sarf-e-bahaar kar na sake

lahū ko dil ke jo sarf-e-bahār kar na sake

ilaaj gardish-e-lail-o-nahār kar na sake

ḳhudā na karda gire koī apnī nazroñ se

na ho ki apnā koī e.atibār kar na sake

bhar aa.ī aañkh sar-e-bazm ho ga.e ḳhāmosh

ham un se baat jo begāna-vār kar na sake

vo aa ga.e to simaT aa.e sab nigāhoñ meñ

hazāroñ ḳhvāb ki jin kā shumār kar na sake

tumhāre sāmne aksar rahī hai nok-e-zabāñ

vo ek baat jo pāyān-e-kār kar na sake

huiiñ jo qalb meñ paivast ho gayā chhalnī

vo hasrateñ ki jinheñ ashk-bār kar na sake

harīf-e-kām-o-dahan ban ga.iiñ fanā na huiiñ

vo talḳhiyāñ ki jinheñ ḳhush-gavār kar na sake

kisī se tark-e-ta.alluq junūñ kī shah pā kar

hazār baar kiyā ek baar kar na sake

lahu ko dil ke jo sarf-e-bahaar kar na sake

ilaj gardish-e-lail-o-nahaar kar na sake

KHuda na karda gire koi apni nazron se

na ho ki apna koi eatibar kar na sake

bhar aai aankh sar-e-bazm ho gae KHamosh

hum un se baat jo begana-war kar na sake

wo aa gae to simaT aae sab nigahon mein

hazaron KHwab ki jin ka shumar kar na sake

tumhaare samne aksar rahi hai nok-e-zaban

wo ek baat jo payan-e-kar kar na sake

huin jo qalb mein paiwast ho gaya chhalni

wo hasraten ki jinhen ashk-bar kar na sake

harif-e-kaam-o-dahan ban gain fana na huin

wo talKHiyan ki jinhen KHush-gawar kar na sake

kisi se tark-e-talluq junun ki shah pa kar

hazar bar kiya ek bar kar na sake