lahu se uTh ke ghaTaon ke dil baraste hain
lahū se uTh ke ghaTāoñ ke dil baraste haiñ
badan chhatoñ kī tarah dhuup meñ jhulaste haiñ
ham aise peḌ haiñ jo chhāñv bāñdh kar rakh deñ
shadīd dhuup meñ ḳhud saa.e ko taraste haiñ
har ek jism ke chāroñ taraf samundar hai
yahāñ ajiib jazīroñ meñ log baste haiñ
sabhī ko dhun hai ki shīshe ke bām-o-dar hoñ magar
ye dekhte nahīñ patthar abhī baraste haiñ
bahā ke le gayā sailāb rāste jin ke
vo shahr apne ḳhayāloñ meñ ab bhī baste haiñ
ma.aal kyā hai ujāloñ ke un dafīnoñ kā
jinheñ chhueñ to añdheroñ ke naag Daste haiñ
ajiib log haiñ kāġhaz kī kashtiyāñ gaḌ.h ke
samundaroñ kī balā-ḳheziyoñ pe hañste haiñ
lahu se uTh ke ghaTaon ke dil baraste hain
badan chhaton ki tarah dhup mein jhulaste hain
hum aise peD hain jo chhanw bandh kar rakh den
shadid dhup mein KHud sae ko taraste hain
har ek jism ke chaaron taraf samundar hai
yahan ajib jaziron mein log baste hain
sabhi ko dhun hai ki shishe ke baam-o-dar hon magar
ye dekhte nahin patthar abhi baraste hain
baha ke le gaya sailab raste jin ke
wo shahr apne KHayalon mein ab bhi baste hain
maal kya hai ujalon ke un dafinon ka
jinhen chhuen to andheron ke nag Daste hain
ajib log hain kaghaz ki kashtiyan gaDh ke
samundaron ki bala-KHeziyon pe hanste hain
Source:
Rooh-e-Ghazal,Pachas Sala Intekhab (Pg. 586)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
