lambi thi umr mohabbat ki barbaad hue hote hote

lambī thī umr mohabbat kī barbād hue hote hote

kuchh raat kaTī piite piite kuchh raat kaTī rote rote

in pyaas bharī āñkhoñ ke sivā us jag meñ apnā thā hī kyā

sab ko dekhā chalte chalte sab ko khoyā khote khote

jab yaad koī aa jaatī hai yuuñ dil kī kalī khil jaatī hai

jaise ḳhvāboñ kī duniyā meñ bachcha hañs de sote sote

kyā jāniye dil pe kyā biitī kyā jāniye aañkh ne kyā dekhā

kyuuñ chauñk ke uTh uTh paḌte haiñ ham rātoñ ko sote sote

fasleñ bītīñ mausam badlā aur vaqt ne yuuñ kyā kuchh na kiyā

vo daaġh na dil se duur huā ik umr kaTī dhote dhote

lambi thi umr mohabbat ki barbaad hue hote hote

kuchh raat kaTi pite pite kuchh raat kaTi rote rote

in pyas bhari aankhon ke siwa us jag mein apna tha hi kya

sab ko dekha chalte chalte sab ko khoya khote khote

jab yaad koi aa jati hai yun dil ki kali khil jati hai

jaise KHwabon ki duniya mein bachcha hans de sote sote

kya jaaniye dil pe kya biti kya jaaniye aankh ne kya dekha

kyun chaunk ke uTh uTh paDte hain hum raaton ko sote sote

faslen bitin mausam badla aur waqt ne yun kya kuchh na kiya

wo dagh na dil se dur hua ek umr kaTi dhote dhote