larazti kanpti aankhon se kya nihaar gaya
laraztī kāñptī āñkhoñ se kyā nihār gayā
mujhe ḳhumār-jazīre pe vo utaar gayā
thā kaun jis kī badaulat maiñ 'aks-'aks huā
ye kis kā lāsha mire paanī ko nitār gayā
ye apnī qism kā pahlā muqābla thā jahāñ
nahīñ thā koī muqābil maiñ phir bhī haar gayā
nazar meñ aa.e mirī dūsre ka.ī manzar
maiñ us kī dhun meñ nazāroñ ke ār-pār gayā
maiñ chāhtā huuñ ki sach-much mirī tabāhī ho
kahūñ na jhūTh use jab kahūñ ki haar gayā
larazti kanpti aankhon se kya nihaar gaya
mujhe KHumar-jazire pe wo utar gaya
tha kaun jis ki badaulat main 'aks-'aks hua
ye kis ka lasha mere pani ko nitar gaya
ye apni qism ka pahla muqabla tha jahan
nahin tha koi muqabil main phir bhi haar gaya
nazar mein aae meri dusre kai manzar
main us ki dhun mein nazaron ke aar-par gaya
main chahta hun ki sach-much meri tabahi ho
kahun na jhuTh use jab kahun ki haar gaya
- Book : Udaas Logon Ka Hona Bahut Zaruri Hai (Pg. 105)
- Author : Tarkash Pradeep
- Publication : Rekhta Publications (2023)
- Edition : 2nd
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
