لو دے رہے ہیں آج دل داغ داغ بھی
لو دے رہے ہیں آج دل داغ داغ بھی
روشن ہوئے ہیں فکر و نظر کے چراغ بھی
ان کا مزاج اوج ثریا پہ ہے اگر
ہے ہفت آسماں پہ ہمارا دماغ بھی
رکھتے کہیں قدم ہیں تو پڑتے کہیں ہیں اور
صہبائے بے خودی سے ہیں چھلکے ایاغ بھی
موسم بدل گیا ہے صبا خوش خرام ہے
گل ہائے رنگ رنگ سے مہکے ہیں باغ بھی
غم ہائے بے پناہ کے با وصف دوستو
فرط خوشی سے آج ہے دل باغ باغ بھی
گزرا ہے راستے سے کوئی گل بدن ضرور
خوشبو کا اب تو ملنے لگا ہے سراغ بھی
فطرت جدا جدا ہے طبیعت جدا جدا
رنگت میں یوں تو ایک ہے کوئل بھی زاغ بھی
چہرے کے خد و خال بھی واضح نہ کر سکے
الجھا ہوا ہے زور قلم کا بلاغ بھی
صحرا کو دیکھ کر ہوا صدیقؔ یہ گماں
حاصل ہوا اب اہل جنوں کو فراغ بھی
مأخذ:
سائے سائے دھوپ (Pg. 80)
- مصنف: صدیق فتح پوری
-
- ناشر: حسان پبلی کیشنز، کراچی
- سن اشاعت: 1999
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
