لے کے پہنچا اضطراب دل کہاں
لے کے پہنچا اضطراب دل کہاں
میں کہاں اور آپ کی محفل کہاں
جس نے خود طوفاں میں کشتی ڈال دی
اس کے دل میں حسرت ساحل کہاں
فصل گل بھی ہے شب مہتاب بھی
سب سہی لیکن سکون دل کہاں
میں کہیں محفل سے اٹھ جاؤں اگر
پھر تری محفل تری محفل کہاں
بات تو جب ہے کہ صورت ہو سوال
ہاتھ جو پھیلائے وہ سائل کہاں
ہم سفر جب یاد ہو جائے تری
پھر خیال دوریٔ منزل کہاں
حال دل کس کو سناتا ہے سعیدؔ
اب جہاں میں صاحبان دل کہاں
مأخذ:
برق و آشیان (Pg. 28)
- مصنف: سعید شہیدی
-
- ناشر: نیشنل فائن پرنٹنگ پریس، حیدر آباد
- سن اشاعت: 1972
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
