leta hun tera nam har ek nam se pahle

Nazar Barni

leta hun tera nam har ek nam se pahle

Nazar Barni

MORE BYNazar Barni

    letā huuñ terā naam har ik naam se pahle

    kuchh zikr nahīñ kartā huuñ us kaam se pahle

    manzil sa.ūbat kabhī āzār na hogī

    maiñ naam tirā letā huuñ har gaam se pahle

    hai ishq āġhāz anjām hāsil

    anjām nazar aatā hai anjām se pahle

    maiñ ḳhud chalā jā.ūñgā maiḳhāne se uTh kar

    saaqī se jo laḌ jaa.e nazar jaam se pahle

    rindadan-e-balā-nosh hai baat kuchh aur

    mai piite nahīñ shaiḳh kabhī shaam se pahle

    vahshat meñ zamāna mujhe badnām na kartā

    ho jaatā rafū chaak jo ilzām se pahle

    kahte haiñ vahī aap jo kahtā hai zamāna

    kuchh aur bhī kah lījiye badnām se pahle

    ye un ināyat se mirā haal huā hai

    kuchh vaar atā karte haiñ in.aam se pahle

    kahtā huuñ ġhazal un ke tasavvur meñ 'nazar' jab

    aalam ajab hotā hai ilhām se pahle

    leta hun tera nam har ek nam se pahle

    kuchh zikr nahin karta hun us kaam se pahle

    manzil ki saubat kabhi aazar na hogi

    main nam tera leta hun har gam se pahle

    hai ishq ka aaghaz hi anjam ka hasil

    anjam nazar aata hai anjam se pahle

    main KHud hi chala jaunga maiKHane se uTh kar

    saqi se jo laD jae nazar jam se pahle

    rindadan-e-bala-nosh ki hai baat hi kuchh aur

    mai pite nahin shaiKH kabhi sham se pahle

    wahshat mein zamana mujhe badnam na karta

    ho jata rafu chaak jo ilzam se pahle

    kahte hain wahi aap jo kahta hai zamana

    kuchh aur bhi kah lijiye badnam se pahle

    ye un ki inayat se mera haal hua hai

    kuchh war ata karte hain inam se pahle

    kahta hun ghazal un ke tasawwur mein 'nazar' jab

    aalam hi ajab hota hai ilham se pahle

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY