Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

lete hi dil jo aashiq-e-dil-soz ka chale

Shaikh Ibrahim Zauq

lete hi dil jo aashiq-e-dil-soz ka chale

Shaikh Ibrahim Zauq

MORE BYShaikh Ibrahim Zauq

    lete dil jo āshiq-e-dil-soz chale

    tum aag lene aa.e the kyā aa.e kyā chale

    tum chashm-e-surmagīñ ko jo apnī dikhā chale

    baiThe biThā.e ḳhaak meñ ham ko milā chale

    dīvāna aa ke aur bhī dil ko banā chale

    ik dam to Thahro aur bhī kyā aa.e kyā chale

    ham lutf-e-sair-e-bāg-e-jahāñ ḳhaak uḌā chale

    shauq-e-visāl dil meñ liye yaar chale

    ġhairoñ ke saath chhoḌ ke tum naqsh-e-pā chale

    kyā ḳhuub phuul gor pe merī chaḌhā chale

    dikhlā ke mujh ko nargis-e-bīmār kyā chale

    āvāra misl-e-āhu-e-sahrā banā chale

    ai ġham mujhe tamām shab-e-hijr meñ na khā

    rahne de kuchh ki sub.h bhī nāshtā chale

    bal-be ġhurūr-e-husn zamīñ par na rakkhe paañv

    mānind-e-āftāb vo be-naqsh-e-pā chale

    kyā le chale galī se tirī ham ko juuñ nasīm

    aa.e the sar pe ḳhaak uḌāne uḌā chale

    afsos hai ki sāya-e-murġh-e-havā tarah

    ham jis ke saath saath chaleñ vo judā chale

    kyā dekhtā hai haath mirā chhoḌ de tabīb

    yaañ jaan badan meñ nahīñ nabz kyā chale

    qātil jo tere dil meñ rukāvaT na ho to kyuuñ

    ruk ruk ke mere halq pe ḳhanjar tirā chale

    le jaa.eñ tere kushte ko jannat meñ bhī agar

    phir phir ke tere ghar taraf dekhtā chale

    ālūda chashm meñ na huī surme se nigāh

    dekhā jahāñ se saaf ahl-e-safā chale

    roz-e-azal se zulf-e-mo.ambar hai asiir

    kyā uḌ ke tujh se tā.ir-e-nik.hat bhalā chale

    saath apne le ke tausan-e-umr-e-ravāñ ko aah

    ham is sarā-e-dahar meñ kyā aa.e kyā chale

    suljhā.ī zulfeñ kyā lab-e-dariyā pe aap ne

    har mauj misl-e-mār-siyah tum banā chale

    duniyā meñ jab se aa.e rahā ishq-e-gul-ruḳhāñ

    ham is jahāñ meñ misl-e-sabā ḳhaak uḌā chale

    qātil se daḳhl kyā hai ki jāñ-bar ho apnā hosh

    gar uḌ ke misl-e-tā.er rañg-e-hinā chale

    fikr-e-qanā.at un ko mayassar huī kahāñ

    duniyā se dil meñ le ke jo hirs-o-havā chale

    is rū-e-ātishīñ ke tasavvur meñ yād-e-zulf

    yaanī ġhazab hai aag lage aur havā chale

    ai 'zauq' hai ġhazab nigah-e-yār al-hafīz

    vo kyā bache ki jis pe ye tīr-e-qazā chale

    lete hi dil jo aashiq-e-dil-soz ka chale

    tum aag lene aae the kya aae kya chale

    tum chashm-e-surmagin ko jo apni dikha chale

    baiThe biThae KHak mein hum ko mila chale

    diwana aa ke aur bhi dil ko bana chale

    ek dam to Thahro aur bhi kya aae kya chale

    hum lutf-e-sair-e-bag-e-jahan KHak uDa chale

    shauq-e-visal dil mein liye yar ka chale

    ghairon ke sath chhoD ke tum naqsh-e-pa chale

    kya KHub phul gor pe meri chaDha chale

    dikhla ke mujh ko nargis-e-bimar kya chale

    aawara misl-e-ahu-e-sahra bana chale

    ai gham mujhe tamam shab-e-hijr mein na kha

    rahne de kuchh ki subh ka bhi nashta chale

    bal-be ghurur-e-husn zamin par na rakkhe panw

    manind-e-aftab wo be-naqsh-e-pa chale

    kya le chale gali se teri hum ko jun nasim

    aae the sar pe KHak uDane uDa chale

    afsos hai ki saya-e-murgh-e-hawa ki tarah

    hum jis ke sath sath chalen wo juda chale

    kya dekhta hai hath mera chhoD de tabib

    yan jaan hi badan mein nahin nabz kya chale

    qatil jo tere dil mein rukawaT na ho to kyun

    ruk ruk ke mere halq pe KHanjar tera chale

    le jaen tere kushte ko jannat mein bhi agar

    phir phir ke tere ghar ki taraf dekhta chale

    aaluda chashm mein na hui surme se nigah

    dekha jahan se saf hi ahl-e-safa chale

    roz-e-azal se zulf-e-moambar ka hai asir

    kya uD ke tujh se tair-e-nikhat bhala chale

    sath apne le ke tausan-e-umr-e-rawan ko aah

    hum is sara-e-dahar mein kya aae kya chale

    suljhai zulfen kya lab-e-dariya pe aap ne

    har mauj misl-e-mar-siyah tum bana chale

    duniya mein jab se aae raha ishq-e-gul-ruKHan

    hum is jahan mein misl-e-saba KHak uDa chale

    qatil se daKHl kya hai ki jaan-bar ho apna hosh

    gar uD ke misl-e-taer rang-e-hina chale

    fikr-e-qanaat un ko mayassar hui kahan

    duniya se dil mein le ke jo hirs-o-hawa chale

    is ru-e-atishin ke tasawwur mein yaad-e-zulf

    yani ghazab hai aag lage aur hawa chale

    ai 'zauq' hai ghazab nigah-e-yar al-hafiz

    wo kya bache ki jis pe ye tir-e-qaza chale

    ગુજરાતી ભાષા-સાહિત્યનો મંચ : રેખ્તા ગુજરાતી

    ગુજરાતી ભાષા-સાહિત્યનો મંચ : રેખ્તા ગુજરાતી

    મધ્યકાલથી લઈ સાંપ્રત સમય સુધીની ચૂંટેલી કવિતાનો ખજાનો હવે છે માત્ર એક ક્લિક પર. સાથે સાથે સાહિત્યિક વીડિયો અને શબ્દકોશની સગવડ પણ છે. સંતસાહિત્ય, ડાયસ્પોરા સાહિત્ય, પ્રતિબદ્ધ સાહિત્ય અને ગુજરાતના અનેક ઐતિહાસિક પુસ્તકાલયોના દુર્લભ પુસ્તકો પણ તમે રેખ્તા ગુજરાતી પર વાંચી શકશો

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now