likhe hue alfaz mein tasir nahin hai

Shaista Mufti

likhe hue alfaz mein tasir nahin hai

Shaista Mufti

MORE BYShaista Mufti

    likhe hue alfāz meñ tāsīr nahīñ hai

    dil par jo kisī ishq tahrīr nahīñ hai

    is ziist ke har moḌ pe laḌnī hai mujhe jañg

    qirtās o qalam haiñ koī shamshīr nahīñ hai

    mumkin nahīñ thā tujhe āvāz lagāte

    hai ishq rūdād pa tash.hīr nahīñ hai

    duniyā meñ vafā DhūñDne nikle the nadārat

    ik bojh hai dil par mire shahtīr nahīñ hai

    lamhe meñ palaT deñge zamāne ko tumhāre

    hai ahd-e-hunar jaan ye tasḳhīr nahīñ hai

    paivast haiñ is ghar se bahut aap yādeñ

    guzre hue lamhāt haiñ zanjīr nahīñ hai

    chup-chāp bahut der se phirte haiñ gurezāñ

    duniyā meñ koī aap dil-gīr nahīñ hai

    likhe hue alfaz mein tasir nahin hai

    dil par jo kisi ishq ki tahrir nahin hai

    is zist ke har moD pe laDni hai mujhe jang

    qirtas o qalam hain koi shamshir nahin hai

    mumkin hi nahin tha tujhe aawaz lagate

    hai ishq ki rudad pa tashhir nahin hai

    duniya mein wafa DhunDne nikle the nadarat

    ek bojh hai dil par mere shahtir nahin hai

    lamhe mein palaT denge zamane ko tumhaare

    hai ahd-e-hunar jaan ye tasKHir nahin hai

    paiwast hain is ghar se bahut aap ki yaaden

    guzre hue lamhat hain zanjir nahin hai

    chup-chap bahut der se phirte hain gurezan

    duniya mein koi aap sa dil-gir nahin hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY