likkhenge na is haar ke asbab kahan tak

likkheñge na is haar ke asbāb kahāñ tak

rakkheñge mirā dil mire ahbāb kahāñ tak

girtī huī dīvār ke saa.e meñ paḌā huuñ

shal hoñge na āḳhir mire a.asāb kahāñ tak

hasrat hai ki ta.abīr ke sāhil pe bhī utrūñ

dekhūñgā yūñhī roz na.e ḳhvāb kahāñ tak

āvāz se aarī haiñ jo TuuTī huī tāreñ

kaam aa.egī is haal meñ mizrāb kahāñ tak

vo abr kā TukḌā hai magar dekhnā ye hai

hotī haiñ nigāheñ mirī sairāb kahāñ tak

kuchh duur kināre ke manāzir to haiñ lekin

jā.egā ye dariyā yūñhī pāyāb kahāñ tak

Dartā huuñ kahīñ zabt kā pal biit na jaa.e

sho.aloñ ko chhupā.ūñgā tah-e-āb kahāñ tak

likkhenge na is haar ke asbab kahan tak

rakkhenge mera dil mere ahbab kahan tak

girti hui diwar ke sae mein paDa hun

shal honge na aaKHir mere aasab kahan tak

hasrat hai ki tabir ke sahil pe bhi utrun

dekhunga yunhi roz nae KHwab kahan tak

aawaz se aari hain jo TuTi hui taren

kaam aaegi is haal mein mizrab kahan tak

wo abr ka TukDa hai magar dekhna ye hai

hoti hain nigahen meri sairab kahan tak

kuchh dur kinare ke manazir to hain lekin

jaega ye dariya yunhi payab kahan tak

Darta hun kahin zabt ka pal bit na jae

shoalon ko chhupaunga tah-e-ab kahan tak