lipaTti hai bahut yaad-e-watan jab daman-e-dil se

Yagana Changezi

lipaTti hai bahut yaad-e-watan jab daman-e-dil se

Yagana Changezi

MORE BYYagana Changezi

    Interesting Fact

    نشر کی غزل : 35 کے یہ نو شعر(1914ء)

    lipaTtī hai bahut yād-e-vatan jab dāman-e-dil se

    palaT kar ik salām-e-shauq kar letā huuñ manzil se

    nazar aa.e jab āsār-e-judā.ī rañg-e-mahfil se

    nigāh-e-'yās' begāna huī yārān-e-yak-dil se

    ubharne ke nahīñ bahr-e-fanā meñ Dūbne vaale

    dur-e-maqsūd ġham hai to phir kyā kaam sāhil se

    tasavvur lāla-o-gul ḳhizāñ meñ bhī nahīñ miTtā

    nigāh-e-shauq vābasta hai ab tak naqsh-e-bātil se

    nahīñ ma.alūm kyā lazzat uThā.ī hai asīrī meñ

    dil-e-vahshī phaḌak uThtā hai āvāz-e-salāsil se

    kisī shai meñ na hogī bāda-e-irfāñ gunjā.ish

    laḌā le sāġhar-e-jam ko bhī koī shīsha-e-dil se

    tasavvur ne dikhāyā shāhid-e-maqsūd jalva

    utar aa.ī hai lailā sar-zamīn-e-dil pe mahmil se

    rahegī chaar dīvār-e-anāsir darmiyāñ kab tak

    uThegā zalzala ik din isī baiThe hue dil se

    kahāñ tak parda-e-fānūs se sar balā Taltī

    azal se laag thī bād-e-fanā ko sham-e-mahfil se

    yahīñ se sair kar lo 'yās' itnī duur kyuuñ jaao

    adam ābād kar DāñDā milā hai kū-e-qātil se

    lipaTti hai bahut yaad-e-watan jab daman-e-dil se

    palaT kar ek salam-e-shauq kar leta hun manzil se

    nazar aae jab aasar-e-judai rang-e-mahfil se

    nigah-e-'yas' begana hui yaran-e-yak-dil se

    ubharne ke nahin bahr-e-fana mein Dubne wale

    dur-e-maqsud hi gham hai to phir kya kaam sahil se

    tasawwur lala-o-gul ka KHizan mein bhi nahin miTta

    nigah-e-shauq wabasta hai ab tak naqsh-e-baatil se

    nahin malum kya lazzat uThai hai asiri mein

    dil-e-wahshi phaDak uThta hai aawaz-e-salasil se

    kisi shai mein na hogi baada-e-irfan ki gunjaish

    laDa le saghar-e-jam ko bhi koi shisha-e-dil se

    tasawwur ne dikhaya shahid-e-maqsud ka jalwa

    utar aai hai laila sar-zamin-e-dil pe mahmil se

    rahegi chaar diwar-e-anasir darmiyan kab tak

    uThega zalzala ek din isi baiThe hue dil se

    kahan tak parda-e-fanus se sar ki bala Talti

    azal se lag thi baad-e-fana ko sham-e-mahfil se

    yahin se sair kar lo 'yas' itni dur kyun jao

    adam aabaad kar DanDa mila hai ku-e-qatil se

    Source :
    • Book : Kulliyat-e-Yagana (Pg. 286)
    • Author : Meerza Yagana Changezi Lukhnawi
    • Publication : Farib Book Depot (P) Ltd. (2005)
    • Edition : 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now