lipTi hui phirti hai nasim unki qaba se

Waheed Akhtar

lipTi hui phirti hai nasim unki qaba se

Waheed Akhtar

MORE BYWaheed Akhtar

    lipTī huī phirtī hai nasīm un qabā se

    gul khilte haiñ har gaam pe dāman havā se

    dil aisā diyā kyuuñ ki rahā kushta-a-jānāñ

    tum se nahīñ ye shikva bhī karnā hai ḳhudā se

    mahram haiñ hamīñ garmī-e-guftār se un

    jo hoñT jo āñkheñ haiñ girāñ-bār hayā se

    āhista karo chaak gulo apnā garebāñ

    gūñje na chaman ġhunchoñ ke hañsne sadā se

    kholeñge unhīñ hāthoñ ke nāḳhun girah-e-dil

    jo basta haiñ rañgīnī-o-ḳhushbū-e-hinā se

    ta.abīr ke sahrāoñ meñ haiñ ḳhvāb-e-pareshāñ

    dariyā ko sarāboñ se sadā dete haiñ pyāse

    lete ho agar nām-e-shahīdāñ to hai ye shart

    jaañ jaa.e rahe na haTeñ rāh-e-vafā se

    lipTi hui phirti hai nasim un ki qaba se

    gul khilte hain har gam pe daman ki hawa se

    dil aisa diya kyun ki raha kushta-a-jaanan

    tum se nahin ye shikwa bhi karna hai KHuda se

    mahram hain hamin garmi-e-guftar se un ki

    jo honT jo aankhen hain giran-bar haya se

    aahista karo chaak gulo apna gareban

    gunje na chaman ghunchon ke hansne ki sada se

    kholenge unhin hathon ke naKHun girah-e-dil

    jo basta hain rangini-o-KHushbu-e-hina se

    tabir ke sahraon mein hain KHwab-e-pareshan

    dariya ko sarabon se sada dete hain pyase

    lete ho agar nam-e-shahidan to hai ye shart

    jaan jae rahe pa na haTen rah-e-wafa se

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY