lo panw hi ab toD liye humne to apne

lo paañv hī ab toḌ liye ham ne to apne

kah do ki safar ab hameñ karnā na paḌegā

is lamha-e-maujūd ko jī lene kī ḳhātir

kyā 'arsa-e-māzī meñ utarnā na paḌegā

is hijr ke pairāhan-e-sāda ko pahan kar

phir ham ko dobāra to sañvarnā na paḌegā

joḌe hī chale jaate haiñ ye log yuuñ ḳhud ko

lagtā hai ki ab in ko bikharnā na paḌegā

jis taur se duniyā se lage phirte ho 'sānī'

lagtā hai tumheñ ab kabhī marnā na paḌegā

lo panw hi ab toD liye hum ne to apne

kah do ki safar ab hamein karna na paDega

is lamha-e-maujud ko ji lene ki KHatir

kya 'arsa-e-mazi mein utarna na paDega

is hijr ke pairahan-e-sada ko pahan kar

phir hum ko dobara to sanwarna na paDega

joDe hi chale jate hain ye log yun KHud ko

lagta hai ki ab in ko bikharna na paDega

jis taur se duniya se lage phirte ho 'sani'

lagta hai tumhein ab kabhi marna na paDega