log karte hain faqat waqt guzari pagal

log karte haiñ faqat vaqt guzārī pāgal

baat kartā hai yahāñ kaun hamārī pāgal

us ne ik baar kahā koī nahīñ tum jaisā

tab se maiñ lagne lagī ḳhud ko bhī pyārī pāgal

vo bhī hañs hañs ke kiyā kartā thā bāteñ aur maiñ

us kī bātoñ meñ chalī aa.ī bichārī pāgal

ek muddat se tirī raah meñ aa baiThī hai

ishq meñ tere huī rāj-kumārī pāgal

maiñ ne pūchhā ki koī mujh se ziyāda hai hasīñ

aa.ina hañs ke ye bolā arī jā rī pāgal

yuuñ nahīñ hai ki faqat nain hue haiñ mere

dekh kar tujh ko huī saarī kī saarī pāgal

us ne pūchhā ki mirī ho naañ to phir maiñ ne kahā

haañ tumhārī maiñ tumhārī maiñ tumhārī pāgal

maiñ 'rabāb' is se ziyāda tujhe ab kyā detī

zindagī maiñ ne tire naam pe vaarī pāgal

log karte hain faqat waqt guzari pagal

baat karta hai yahan kaun hamari pagal

us ne ek bar kaha koi nahin tum jaisa

tab se main lagne lagi KHud ko bhi pyari pagal

wo bhi hans hans ke kiya karta tha baaten aur main

us ki baaton mein chali aai bichaari pagal

ek muddat se teri rah mein aa baiThi hai

ishq mein tere hui raj-kumari pagal

main ne puchha ki koi mujh se ziyaada hai hasin

aaina hans ke ye bola ari ja ri pagal

yun nahin hai ki faqat nain hue hain mere

dekh kar tujh ko hui sari ki sari pagal

us ne puchha ki meri ho nan to phir main ne kaha

han tumhaari main tumhaari main tumhaari pagal

main 'rabab' is se ziyaada tujhe ab kya deti

zindagi main ne tere nam pe wari pagal