لٹ گیا چین تیرے جانے سے
لٹ گیا چین تیرے جانے سے
آنکھ بھر آئی مسکرانے سے
شب کی تنہائیوں میں تیری یاد
کم نہیں ہے کسی خزانے سے
یوں ہی آتا نہیں میں تیرے پاس
ربط بڑھتا ہے آنے جانے سے
کی جو اس نے ذرا سی دل جوئی
غم بھی لگنے لگے سہانے سے
مٹ نہیں سکتی دل کی ویرانی
گھر کے دیوار و در سجانے سے
وہ ہوا جب بھی پیار سے گویا
بج اٹھے دل میں شادیانے سے
تنہا انسان کے لئے ہاتفؔ
کم نہیں گھر بھی قید خانے سے
مأخذ:
بات کرتی ہے مجھ سے تنہائی (Pg. 27)
- مصنف: ہاتف عارفی فتحپوری
-
- ناشر: پس آئینہ پبلیشرز
- سن اشاعت: 2001
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
