luTa diye the kabhi jo KHazane DhunDhte hain

Manzoor Hashmi

luTa diye the kabhi jo KHazane DhunDhte hain

Manzoor Hashmi

MORE BYManzoor Hashmi

    luTā diye the kabhī jo ḳhazāne DhūñDhte haiñ

    na.e zamāne meñ kuchh din purāne DhūñDhte haiñ

    kabhī kabhī to ye lagtā hai maiñ vo lamha huuñ

    ki ik zamāne se jis ko zamāne DhūñDhte haiñ

    kuchh ehtiyāt bhī ab ke talab meñ rakhnā paḌī

    sau us ko aur kisī ke bahāne DhūñDhte haiñ

    lapak ke aate haiñ siine samt tiir aise

    parind shāḳh pe jaise Thikāne DhūñDhte haiñ

    hamārī sāda-mizājī bhī kyā qayāmat hai

    ki ab qafas meñ ham āshiyāne DhūñDhte haiñ

    luTa diye the kabhi jo KHazane DhunDhte hain

    nae zamane mein kuchh din purane DhunDhte hain

    kabhi kabhi to ye lagta hai main wo lamha hun

    ki ek zamane se jis ko zamane DhunDhte hain

    kuchh ehtiyat bhi ab ke talab mein rakhna paDi

    sau us ko aur kisi ke bahane DhunDhte hain

    lapak ke aate hain sine ki samt tir aise

    parind shaKH pe jaise Thikane DhunDhte hain

    hamari sada-mizaji bhi kya qayamat hai

    ki ab qafas hi mein hum aashiyane DhunDhte hain

    Source:

    • Book : Sukhan Aabaad (Pg. 89)
    • Author : Manzoor Hashmi
    • Publication : Manzoor Hashmi (2005)
    • Edition : 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY