luTne walon ka madad-gar nahin hai koi

Jahanzeb Sahir

luTne walon ka madad-gar nahin hai koi

Jahanzeb Sahir

MORE BYJahanzeb Sahir

    luTne vāloñ madad-gār nahīñ hai koī

    is qabīle bhī sardār nahīñ hai koī

    maiñ vo mahrūm-e-tamannā huuñ ki jis ḳhātir

    bharī bastī meñ azādār nahīñ hai koī

    shāh-zādī tirī āñkhoñ meñ ye dahshat kaisī

    phuul haiñ haath meñ talvār nahīñ hai koī

    dil kisī vaqt kisī par bhī fidā ho jaa.e

    ye vo kashtī hai ki patvār nahīñ hai koī

    aañkh meñ ashk nahīñ haiñ to yahī lagtā hai

    ik sitārā bhī numūdār nahīñ hai koī

    mujh ko is baat se aatā hai bahut ḳhauf yahāñ

    sab farishte haiñ gunahgār nahīñ hai koī

    dekh ye zaḳhm tarāshe hue lagte haiñ tujhe

    samajhtā hai mirā yaar nahīñ hai koī

    ik ḳhalā aur bahut gahrā ḳhalā hai 'sāhir'

    dekh aayā huuñ maiñ us paar nahīñ hai koī

    luTne walon ka madad-gar nahin hai koi

    is qabile ka bhi sardar nahin hai koi

    main wo mahrum-e-tamanna hun ki jis ki KHatir

    bhari basti mein azadar nahin hai koi

    shah-zadi teri aankhon mein ye dahshat kaisi

    phul hain hath mein talwar nahin hai koi

    dil kisi waqt kisi par bhi fida ho jae

    ye wo kashti hai ki patwar nahin hai koi

    aankh mein ashk nahin hain to yahi lagta hai

    ek sitara bhi numudar nahin hai koi

    mujh ko is baat se aata hai bahut KHauf yahan

    sab farishte hain gunahgar nahin hai koi

    dekh ye zaKHm tarashe hue lagte hain tujhe

    tu samajhta hai mera yar nahin hai koi

    ek KHala aur bahut gahra KHala hai 'sahir'

    dekh aaya hun main us par nahin hai koi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY