mah-e-man shama tuman dil ke shabistan mein aa

māh-e-man sham.a tuman dil ke shabistān meñ aa

nūr-e-dīda ho merī chashm ke aivān meñ aa

be-niyāzī suuñ terī jāñ-ba-lab aayā hai mujhe

chhoḌ kar taur-e-jafā kuchh rah-e-ehsān meñ aa

dil to behāl huā goī naman sargardāñ

zulf-e-pur-pech ke chaugān le maidān meñ aa

sarv-o-shamshād-o-gul-o-lāla usī kā hai zuhūr

dekhne us ke zuhūrāt kuuñ bustān meñ aa

sūrat-e-lafz-o-ibārāt-o-ma.ānī andar

jalva-gar tuuñ che huā hai mere dīvān meñ aa

saḳht pardā hai gumāñ dīda-e-dil par 'qurbī'

dek mukh yaar kā har jā rah-e-īqān meñ aa

mah-e-man shama tuman dil ke shabistan mein aa

nur-e-dida ho meri chashm ke aiwan mein aa

be-niyazi sun teri jaan-ba-lab aaya hai mujhe

chhoD kar taur-e-jafa kuchh rah-e-ehsan mein aa

dil to behaal hua goi naman sargardan

zulf-e-pur-pech ke chaugan le maidan mein aa

sarw-o-shamshad-o-gul-o-lala usi ka hai zuhur

dekhne us ke zuhuraat kun bustan mein aa

surat-e-lafz-o-ibaraat-o-maani andar

jalwa-gar tun che hua hai mere diwan mein aa

saKHt parda hai guman dida-e-dil par 'qurbi'

dek mukh yar ka har ja rah-e-iqan mein aa