mal kuchh shai hai na kuchh sahib-e-saman hona

maal kuchh shai hai na kuchh sāhib-e-sāmāñ honā

bā.is-e-faḳhr hai insān ko insāñ honā

sho.ala sar dhuntā hai kis soḳhta-jāñ ke ġham meñ

sog meñ kis ke hai ai sham.a ye giryāñ honā

nāla-kash ġham se na ho fasl-e-ḳhizāñ meñ bulbul

ḳhaas ābādī ke āsār haiñ vīrāñ honā

sūrat-e-zaḳhm-e-jigar hañste hī rotā huuñ lahū

yaañ mayassar nahīñ dam bhar ko bhī shādāñ honā

dast-e-vahshat kī ḳhatā hai na junūñ kī taqsīr

apnī taqdīr meñ thā chāk-garebāñ honā

haañ ḳhabar-dār ki anjām-e-masarrat hai malāl

sūrat-e-gul na ḳhushī se kabhī ḳhandāñ honā

shāmil-e-hāl agar fazl-o-karam ho us kā

sahl hai mushkil-e-dushvār kā āsāñ honā

ḳhaak ho jaa.e to ho aañkh meñ jaa.e insāñ

kaam aaya mirā yuuñ gard-e-bayābāñ honā

baat meñ baat na ho to vo suḳhan kyā 'raushan'

da.avā āsān hai mushkil hai suḳhan-dāñ honā

mal kuchh shai hai na kuchh sahib-e-saman hona

bais-e-faKHr hai insan ko insan hona

shoala sar dhunta hai kis soKHta-jaan ke gham mein

sog mein kis ke hai ai shama ye giryan hona

nala-kash gham se na ho fasl-e-KHizan mein bulbul

KHas aabaadi ke aasar hain viran hona

surat-e-zaKHm-e-jigar hanste hi rota hun lahu

yan mayassar nahin dam bhar ko bhi shadan hona

dast-e-wahshat ki KHata hai na junun ki taqsir

apni taqdir mein tha chaak-gareban hona

han KHabar-dar ki anjam-e-masarrat hai malal

surat-e-gul na KHushi se kabhi KHandan hona

shamil-e-haal agar fazl-o-karam ho us ka

sahl hai mushkil-e-dushwar ka aasan hona

KHak ho jae to ho aankh mein jae insan

kaam aaya mera yun gard-e-bayaban hona

baat mein baat na ho to wo suKHan kya 'raushan'

dawa aasan hai mushkil hai suKHan-dan hona