معرفت کے لئے آگہی کے لئے
معرفت کے لئے آگہی کے لئے
نور حق چاہئے روشنی کے لئے
جی رہے ہیں کسی کی خوشی کے لئے
ورنہ کیا ہے یہاں زندگی کے لئے
آپ اپنا تعارف سر انجمن
کتنا مشکل ہے اک اجنبی کے لئے
دشت غربت میں کچھ اور ممکن نہیں
جگنوؤں کے سوا روشنی کے لئے
رکھ دیے آبشاروں نے دل کھول کر
دشت میں ایک پیاسی ندی کے لئے
وقت کے آگے اس نے بھی رکھ دی سپر
جو تھا مشہور اپنی خودی کے لئے
رہبرؔ اعزاز عہدہ قیادت انا
مسئلہ بن گئے آدمی کے لئے
مأخذ:
شب چراغ (Pg. 167)
- مصنف: رہبر تابانی دریاآبادی
-
- ناشر: رہبر تابانی دریاآبادی
- سن اشاعت: 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
