mayusi mein dil bechaara sadiyon se

Tahir Adeem

mayusi mein dil bechaara sadiyon se

Tahir Adeem

MORE BYTahir Adeem

    māyūsī meñ dil bechāra sadiyoñ se

    DhūñD rahā hai ek sahārā sadiyoñ se

    ek baat abas dohrā.e jaatā hai

    tan meñ chaltā saañs aarā sadiyoñ se

    'hīr' agarche maiñ ne apnī paalī hai

    DhūñD rahā huuñ taḳht hazārā sadiyoñ se

    tum se kaise simTegā ye lamhoñ meñ

    dil apnā hai pāra-pāra sadiyoñ se

    kis elaan ko guuñj rahā hai nas-nas meñ

    dhaḌkan dhaḌkan ik naqqārā sadiyoñ se

    kū-e-manzil-e-ishq meñ koī kaam mile

    dil āvāra hai nākārā sadiyoñ se

    dil par kyā ham ne to jānāñ jaan pe bhī

    likh rakkhā hai naam tumhārā sadiyoñ se

    us ne dil ke dard se pūchhā kab se ho

    dil se uTh ke dard pukārā sadiyoñ se

    ḳhushk paḌā hai aañkh ke parde par 'tāhir'

    bahr-e-dard ek kinārā sadiyoñ se

    mayusi mein dil bechaara sadiyon se

    DhunD raha hai ek sahaara sadiyon se

    ek hi baat abas dohrae jata hai

    tan mein chalta sans ka aara sadiyon se

    'hir' agarche main ne apni pali hai

    DhunD raha hun taKHt hazara sadiyon se

    tum se kaise simTega ye lamhon mein

    dil apna hai para-para sadiyon se

    kis elan ko gunj raha hai nas-nas mein

    dhaDkan dhaDkan ek naqqara sadiyon se

    ku-e-manzil-e-ishq mein koi kaam mile

    dil aawara hai nakara sadiyon se

    dil par kya hum ne to jaanan jaan pe bhi

    likh rakkha hai nam tumhaara sadiyon se

    us ne dil ke dard se puchha kab se ho

    dil se uTh ke dard pukara sadiyon se

    KHushk paDa hai aankh ke parde par 'tahir'

    bahr-e-dard ka ek kinara sadiyon se

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now