mahrum zindagi hai sawali kabhi kabhi
mahrūm zindagī hai savālī kabhī kabhī
jaise kisī faqīr kī thālī kabhī kabhī
aksar tasavvurāt meñ uḌtā rahā huuñ maiñ
kaam aa ga.ī ye ḳhām-ḳhayālī kabhī kabhī
ījād-e-nau to vaqt kā zauq-e-jamīl hai
baasī kaḌhī bhī us ne ubālī kabhī kabhī
nafrat kī aag phail rahī hai idhar udhar
hotī hai mere ghar meñ divālī kabhī kabhī
ye zindagī kī qabr bahut tang hai magar
jiine kī raah aur nikālī kabhī kabhī
jaise sharīf log bhī circus ke ho ga.e
māhaul ne lagā.ī hai taalī kabhī kabhī
'saifī' na.e mizāj kā ye shahr to nahīñ
jiddat yahāñ bhī aa.ī nirālī kabhī kabhī
mahrum zindagi hai sawali kabhi kabhi
jaise kisi faqir ki thaali kabhi kabhi
aksar tasawwuraat mein uDta raha hun main
kaam aa gai ye KHam-KHayali kabhi kabhi
ijad-e-nau to waqt ka zauq-e-jamil hai
basi kaDhi bhi us ne ubaali kabhi kabhi
nafrat ki aag phail rahi hai idhar udhar
hoti hai mere ghar mein diwali kabhi kabhi
ye zindagi ki qabr bahut tang hai magar
jine ki rah aur nikali kabhi kabhi
jaise sharif log bhi circus ke ho gae
mahaul ne lagai hai tali kabhi kabhi
'saifi' nae mizaj ka ye shahr to nahin
jiddat yahan bhi aai nirali kabhi kabhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
