mai ho abr o hawa nahin to na ho

Shaikh Zahuruddin Hatim

mai ho abr o hawa nahin to na ho

Shaikh Zahuruddin Hatim

MORE BYShaikh Zahuruddin Hatim

    mai ho abr o havā nahīñ to na ho

    dard ho gar davā nahīñ to na ho

    ham to haiñ āshnā tire zālim

    agar āshnā nahīñ to na ho

    dil hai vābasta tere dāman se

    dast merā rasā nahīñ to na ho

    ham to terī jafā ke bande haiñ

    tujh meñ rasm-e-vafā nahīñ to na ho

    āstāñ par to gir rahe haiñ agar

    terī majlis meñ nahīñ to na ho

    ham to haiñ saaf, bad-gumāñ mere

    tere dil meñ safā nahīñ to na ho

    dil ko iksīr haigī terī nigāh

    havas-e-kīmiyā nahīñ to na ho

    ham to hāshā nahīñ kisī se bure

    koī ham se bhalā nahīñ to na ho

    tālib-e-vasl kab talak rahiye

    ho to ho jaa.e nahīñ to na ho

    'hātim' ab kis mujh ko parvā hai

    koī mirā juz ḳhudā nahīñ to na ho

    mai ho abr o hawa nahin to na ho

    dard ho gar dawa nahin to na ho

    hum to hain aashna tere zalim

    tu agar aashna nahin to na ho

    dil hai wabasta tere daman se

    dast mera rasa nahin to na ho

    hum to teri jafa ke bande hain

    tujh mein rasm-e-wafa nahin to na ho

    aastan par to gir rahe hain agar

    teri majlis mein ja nahin to na ho

    hum to hain saf, bad-guman mere

    tere dil mein safa nahin to na ho

    dil ko iksir haigi teri nigah

    hawas-e-kimiya nahin to na ho

    hum to hasha nahin kisi se bure

    koi hum se bhala nahin to na ho

    talib-e-wasl kab talak rahiye

    ho to ho jae ya nahin to na ho

    'hatim' ab kis ki mujh ko parwa hai

    koi mera juz KHuda nahin to na ho

    Source :
    • Book : Diwan-e-Zadah (Pg. 266)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY