mai-KHane mein jam-o-subu

mai-ḳhāne meñ jām-o-subū

aur masjid meñ allāh hū

ho vo tabassum yā aañsū

ik tasvīr ke do pahlū

ḳhaar pe bhī hai gul kā gumāñ

uf ye fareb-e-rañg-o-bū

terī nazar meñ saarā jahāñ

merī nazar meñ bas ik tū

terā takallum sahr-āgīñ

terī ḳhamoshī meñ jaadū

sab haiñ vafā se begāne

vaqt zamāna qismat tū

chandan meñ kab aa.e phuul

sone meñ kab hai ḳhushbū

kyā tafrīq-e-rañg-o-nasl

jaise sab haiñ vaisā tū

ab har sū paanī kī tarah

bahtā hai insāñ kā lahū

ye parda ab kaun uThā.e

maiñ tujh meñ yā mujh meñ tū

dekh hunar ke sheroñ meñ

khiñch aayā hai dil kā lahū

mai-KHane mein jam-o-subu

aur masjid mein allah hu

ho wo tabassum ya aansu

ek taswir ke do pahlu

KHar pe bhi hai gul ka guman

uf ye fareb-e-rang-o-bu

teri nazar mein sara jahan

meri nazar mein bas ek tu

tera takallum sahr-agin

teri KHamoshi mein jadu

sab hain wafa se begane

waqt zamana qismat tu

chandan mein kab aae phul

sone mein kab hai KHushbu

kya tafriq-e-rang-o-nasl

jaise sab hain waisa tu

ab har su pani ki tarah

bahta hai insan ka lahu

ye parda ab kaun uThae

main tujh mein ya mujh mein tu

dekh hunar ke sheron mein

khinch aaya hai dil ka lahu