مے خانے میں جام و سبو

پورن سنگھ ہنر

مے خانے میں جام و سبو

پورن سنگھ ہنر

MORE BYپورن سنگھ ہنر

    مے خانے میں جام و سبو

    اور مسجد میں اللہ ہو

    ہو وہ تبسم یا آنسو

    اک تصویر کے دو پہلو

    خار پہ بھی ہے گل کا گماں

    اف یہ فریب رنگ و بو

    تیری نظر میں سارا جہاں

    میری نظر میں بس اک تو

    تیرا تکلم سحر آگیں

    تیری خموشی میں جادو

    سب ہیں وفا سے بیگانے

    وقت زمانہ قسمت تو

    چندن میں کب آئے پھول

    سونے میں کب ہے خوشبو

    کیا تفریق رنگ و نسل

    جیسے سب ہیں ویسا تو

    اب ہر سو پانی کی طرح

    بہتا ہے انساں کا لہو

    یہ پردہ اب کون اٹھائے

    میں تجھ میں یا مجھ میں تو

    دیکھ ہنر کے شعروں میں

    کھنچ آیا ہے دل کا لہو

    مأخذ :

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY