main agar aap se jaun to qarar aa jae

Momin Khan Momin

main agar aap se jaun to qarar aa jae

Momin Khan Momin

MORE BYMomin Khan Momin

    maiñ agar aap se jā.ūñ to qarār aa jaa.e

    par ye Dartā huuñ ki aisā na ho yaar aa jaa.e

    bāñdho ab chāragaro chille ki vo bhī shāyad

    vasl-e-dushman ke liye sū-e-mazār aa jaa.e

    kar zarā aur bhī ai josh-e-junūñ ḳhvār o zalīl

    mujh se aisā ho ki nāseh ko bhī aar aa jaa.e

    nām-e-bad-baḳhti-e-ushshāq-e-ḳhizāñ hai bulbul

    agar nikle chaman se to bahār aa jaa.e

    jiite ġhair ko ho ātish-e-dozaḳh azaab

    gar mirī naash pe vo shola-azār aa jaa.e

    kulfat-e-hijr ko kyā ro.uuñ tire sāmne maiñ

    dil jo ḳhālī ho to āñkhoñ meñ ġhubār aa jaa.e

    mahv-e-dildār huuñ kis tarah na huuñ dushman-e-jāñ

    mujh pe jab nāseh-e-bedard ko pyaar aa jaa.e

    Thahar josh-e-tapish hai to taḌapnā lekin

    chārasāzoñ meñ zarā dam dil-e-zār aa jaa.e

    husn-e-anjām 'momin' mire baare hai ḳhayāl

    yaanī kahtā hai vo kāfir ki maarā jaa.e

    main agar aap se jaun to qarar aa jae

    par ye Darta hun ki aisa na ho yar aa jae

    bandho ab chaaragaro chille ki wo bhi shayad

    wasl-e-dushman ke liye su-e-mazar aa jae

    kar zara aur bhi ai josh-e-junun KHwar o zalil

    mujh se aisa ho ki naseh ko bhi aar aa jae

    nam-e-bad-baKHti-e-ushshaq-e-KHizan hai bulbul

    tu agar nikle chaman se to bahaar aa jae

    jite ji ghair ko ho aatish-e-dozaKH ka azab

    gar meri nash pe wo shola-azar aa jae

    kulfat-e-hijr ko kya roun tere samne main

    dil jo KHali ho to aankhon mein ghubar aa jae

    mahw-e-dildar hun kis tarah na hun dushman-e-jaan

    mujh pe jab naseh-e-bedard ko pyar aa jae

    Thahar ja josh-e-tapish hai to taDapna lekin

    chaarasazon mein zara dam dil-e-zar aa jae

    husn-e-anjam ka 'momin' mere bare hai KHayal

    yani kahta hai wo kafir ki tu mara jae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY