میں بھی کیا ضبط آزماتا ہوں
توبہ کرتا ہوں بھول جاتا ہوں
غم سا رہتا ہوں تجھ سے دوری میں
اور قربت میں کھو سا جاتا ہوں
اپنی ہستی کی عظمتیں اکثر
انکساری سے جھک کے پاتا ہوں
کیوں مقید ہوں ذات میں اپنی
جبکہ دنیا سے دل لگاتا ہوں
اس کی زلفوں کو اب کے سلجھا کر
خود کو الجھا ہوا سا پاتا ہوں
جانے والے کو یہ نہیں معلوم
میں تصور میں اس کو لاتا ہوں
غم گساری میں دوست کی عادلؔ
رنج سہتا ہوں مسکراتا ہوں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
