main bichhaD kar tujhse teri ruh ke paikar mein hun

Azad Gulati

main bichhaD kar tujhse teri ruh ke paikar mein hun

Azad Gulati

MORE BYAzad Gulati

    maiñ bichhaḌ kar tujh se terī ruuh ke paikar meñ huuñ

    mirī tasvīr hai maiñ tere pas-manzar meñ huuñ

    apnā markaz DhūñDtā huuñ dā.eroñ meñ kho ke maiñ

    kitne janmoñ se maiñ ik mahdūd se chakkar meñ huuñ

    ḳhud dastak de rahā huuñ apne dar par der se

    ghar se bāhar rah ke bhī jaise maiñ apne ghar meñ huuñ

    maiñ vo aazar huuñ jise barsoñ rahī apnī talāsh

    ḳhud mūrat ban ke poshīda har ik patthar meñ huuñ

    dekhne vaale mujhe merī nazar se dekh le

    maiñ tirī nazroñ meñ huuñ aur maiñ har manzar meñ huuñ

    gūñjtā huuñ apne andar aur kho jaatā huuñ maiñ

    ik sadā ban kar anā ke gumbad-e-be-dar meñ huuñ

    maiñ kabhī ik jhiil thā phaile hue sahrāoñ meñ

    aaj maiñ ik pyaas sahrā huuñ aur sāgar meñ huuñ

    maut ko 'āzād' ye irfān denā hai mujhe

    kāTtī hai mujh ko jis se vo maiñ us ḳhanjar meñ huuñ

    main bichhaD kar tujh se teri ruh ke paikar mein hun

    tu meri taswir hai main tere pas-manzar mein hun

    apna markaz DhunDta hun daeron mein kho ke main

    kitne janmon se main ek mahdud se chakkar mein hun

    KHud hi dastak de raha hun apne dar par der se

    ghar se bahar rah ke bhi jaise main apne ghar mein hun

    main wo aazar hun jise barson rahi apni talash

    KHud hi murat ban ke poshida har ek patthar mein hun

    dekhne wale mujhe meri nazar se dekh le

    main teri nazron mein hun aur main hi har manzar mein hun

    gunjta hun apne andar aur kho jata hun main

    ek sada ban kar ana ke gumbad-e-be-dar mein hun

    main kabhi ek jhil tha phaile hue sahraon mein

    aaj main ek pyas ka sahra hun aur sagar mein hun

    maut ko 'azad' ye irfan dena hai mujhe

    kaTti hai mujh ko jis se wo main us KHanjar mein hun

    Source :
    • Book : Dasht-e-Sada (Pg. 51)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY