main dariya hun magar donon taraf sahil hai tanhai

Sabeela Inam Siddiqui

main dariya hun magar donon taraf sahil hai tanhai

Sabeela Inam Siddiqui

MORE BYSabeela Inam Siddiqui

    maiñ dariyā huuñ magar donoñ taraf sāhil hai tanhā.ī

    talātum-ḳhez maujoñ meñ mirī shāmil hai tanhā.ī

    mohabbat ho to tanhā.ī meñ bhī ik kaif hotā hai

    tamannāoñ naġhma-āfrīñ mahfil hai tanhā.ī

    bahut din vaqt hañgāma-ārā.ī meñ guzre haiñ

    inheñ guzre hue ayyām hāsil hai tanhā.ī

    hujūm-e-zīst se duurī ne ye māhaul baḳhshā hai

    akelī maiñ mirā kamrā hai aur qātil hai tanhā.ī

    mire har kaam mujh ko vahī tahrīk detī hai

    agarche dekhne meñ kis qadar mushkil hai tanhā.ī

    usī ne to taḳhayyul ko mire parvāz baḳhshī hai

    ḳhudā shukr hai jo ab kisī qābil hai tanhā.ī

    mohabbat shuāoñ se tavānā.ī jo miltī hai

    isī rañgīnī-e-mafhūm meñ dāḳhil hai tanhā.ī

    ḳhudā hasrat-zada dil tamannāoñ se vāqif hai

    duā.eñ roz-o-shab kartī huī saa.il hai tanhā.ī

    kisī yaad hai dil meñ abhī tak anjuman-ārā

    'sabīla' kaun samjhegā ki merā dil hai tanhā.ī

    main dariya hun magar donon taraf sahil hai tanhai

    talatum-KHez maujon mein meri shamil hai tanhai

    mohabbat ho to tanhai mein bhi ek kaif hota hai

    tamannaon ki naghma-afrin mahfil hai tanhai

    bahut din waqt ki hangama-arai mein guzre hain

    inhen guzre hue ayyam ka hasil hai tanhai

    hujum-e-zist se duri ne ye mahaul baKHsha hai

    akeli main mera kamra hai aur qatil hai tanhai

    mere har kaam ki mujh ko wahi tahrik deti hai

    agarche dekhne mein kis qadar mushkil hai tanhai

    usi ne to taKHayyul ko mere parwaz baKHshi hai

    KHuda ka shukr hai jo ab kisi qabil hai tanhai

    mohabbat ki shuaon se tawanai jo milti hai

    isi rangini-e-mafhum mein daKHil hai tanhai

    KHuda hasrat-zada dil ki tamannaon se waqif hai

    duaen roz-o-shab karti hui sail hai tanhai

    kisi ki yaad hai dil mein abhi tak anjuman-ara

    'sabila' kaun samjhega ki mera dil hai tanhai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY