main hi ek shaKHs tha yaran-e-kuhan mein aisa

Faza Ibn e Faizi

main hi ek shaKHs tha yaran-e-kuhan mein aisa

Faza Ibn e Faizi

MORE BYFaza Ibn e Faizi

    maiñ ik shaḳhs thā yārān-e-kuhan meñ aisā

    kaun āvāra phirā kūcha-e-fan meñ aisā

    ham bhī jab tak jiye sarsabz sarsabz rahe

    vaqt ne zahr utārā thā badan meñ aisā

    zindagī ḳhud ko na is ruup meñ pahchān sakī

    aadmī lipTā hai ḳhvāboñ ke kafan meñ aisā

    har ḳhizāñ meñ jo bahāroñ gavāhī degā

    ham bhī chhoḌ aa.e haiñ ik shola chaman meñ aisā

    log mujh ko mire āhañg se pahchān ga.e

    kaun badnām rahā shahr-e-suḳhan meñ aisā

    apne mansūroñ ko is daur ne pūchhā bhī nahīñ

    paḌ gayā raḳhna saf-e-dār-o-rasan meñ aisā

    hai tazādoñ bharī duniyā bhī ham-āhañg bahut

    fāsla to nahīñ kuchh sañg o saman meñ aisā

    vaqt dhuup ko māthe pasīna samjhā

    maiñ sharābor rahā dil jalan meñ aisā

    tum bhī dekho mujhe shāyad to na pahchān sako

    ai mirī raato meñ Duubā huuñ gahan meñ aisā

    main hi ek shaKHs tha yaran-e-kuhan mein aisa

    kaun aawara phira kucha-e-fan mein aisa

    hum bhi jab tak jiye sarsabz hi sarsabz rahe

    waqt ne zahr utara tha badan mein aisa

    zindagi KHud ko na is rup mein pahchan saki

    aadmi lipTa hai KHwabon ke kafan mein aisa

    har KHizan mein jo bahaaron ki gawahi dega

    hum bhi chhoD aae hain ek shola chaman mein aisa

    log mujh ko mere aahang se pahchan gae

    kaun badnam raha shahr-e-suKHan mein aisa

    apne mansuron ko is daur ne puchha bhi nahin

    paD gaya raKHna saf-e-dar-o-rasan mein aisa

    hai tazadon bhari duniya bhi ham-ahang bahut

    fasla to nahin kuchh sang o saman mein aisa

    waqt ki dhup ko mathe ka pasina samjha

    main sharabor raha dil ki jalan mein aisa

    tum bhi dekho mujhe shayad to na pahchan sako

    ai meri raato mein Duba hun gahan mein aisa

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY