main is gulistan ki patti patti KHizan ke panjon mein dekhta hun

maiñ is gulistāñ kī pattī pattī ḳhizāñ ke panjoñ meñ dekhtā huuñ

kahāñ ikaTThe kiye haiñ tinke kahāñ nasheman banā rahā huuñ

haqīqat-e-kā.enāt kyā hai samajh chukā huuñ samajh gayā huuñ

abhī se kāfir badal ga.ī hai abhī to sāġhar uThā rahā huuñ

ḳhudā kī ye zar-parast duniyā murādif-e-chashm-e-tang-dil hai

ye ehtimām-e-sharāb-e-rangīñ ik aur duniyā banā rahā huuñ

ye barkat-e-be-ḳhudī-e-kāmil are ḳhudā kī panāh saaqī

sharāb kā ek jur'a pī kar tamām 'ālam pe chhā gayā huuñ

ba-e'tibār-e-nigāh-e-baḳhshish tabāh-e-jām-e-sharāb huuñ maiñ

mujhe samajhnā nahīñ hai āsāñ maiñ zill-e-rahmat meñ aa gayā huuñ

mirā tasavvur asīr-e-sahbā mirā taḳhayyul rahīn-e-sāġhar

maiñ sū-e-kā’ba bhī gar chalā huuñ to laḌkhaḌātā huā chalā huuñ

maiñ sar-ba-sajda huuñ un ke dar par vo hichkichā kar uThā rahe haiñ

ye merī laġhzish hasīn laġhzish sharāb pī kar kahāñ girā huuñ

maiñ ek dariyā-e-be-karāñ huuñ magar ba-chashm-e-'itāb-e-sāqī

asīr-e-zindān-e-jism ho kar had-e-ta’ayyun meñ aa gayā huuñ

zarā ḳhabar to ho mai-kashoñ ko hai kitnā zarf-e-nigāh-e-rahmat

piyāla muñh se lagā ke 'bismil' maiñ aaj sū-e-haram chalā huuñ

main is gulistan ki patti patti KHizan ke panjon mein dekhta hun

kahan ikaTThe kiye hain tinke kahan nasheman bana raha hun

haqiqat-e-kaenat kya hai samajh chuka hun samajh gaya hun

abhi se kafir badal gai hai abhi to saghar uTha raha hun

KHuda ki ye zar-parast duniya muradif-e-chashm-e-tang-dil hai

ye ehtimam-e-sharab-e-rangin ek aur duniya bana raha hun

ye barkat-e-be-KHudi-e-kaamil are KHuda ki panah saqi

sharab ka ek jur'a pi kar tamam 'alam pe chha gaya hun

ba-e'tibar-e-nigah-e-baKHshish tabah-e-jam-e-sharab hun main

mujhe samajhna nahin hai aasan main zill-e-rahmat mein aa gaya hun

mera tasawwur asir-e-sahba mera taKHayyul rahin-e-saghar

main su-e-ka’ba bhi gar chala hun to laDkhaData hua chala hun

main sar-ba-sajda hun un ke dar par wo hichkicha kar uTha rahe hain

ye meri laghzish hasin laghzish sharab pi kar kahan gira hun

main ek dariya-e-be-karan hun magar ba-chashm-e-'itab-e-saqi

asir-e-zindan-e-jism ho kar had-e-ta’ayyun mein aa gaya hun

zara KHabar to ho mai-kashon ko hai kitna zarf-e-nigah-e-rahmat

piyala munh se laga ke 'bismil' main aaj su-e-haram chala hun