main jaanta tha ki wo be-shuur kar dega

maiñ jāntā thā ki vo be-shu'ūr kar degā

mujhe tarāshne baiThegā chuur kar degā

tumheñ raqīb se raġhbat hai par yaqīñ jaano

huzūr-e-man vo hameñ duur duur kar degā

use kaho mirī turbat pe fātiha paḌh de

vo kuchh kare na kare ye zarūr kar degā

ye nam nigāheñ tirī rusvā tujh ko kar deñgī

hameñ zalīl dil-e-nā-sabūr kar degā

use hī chāhnā us ko hī chāhte rahnā

hameñ yaqīn thā dil ye qusūr kar degā

tujhe ḳhayāl kahāñ hai ḳhudā kī 'azmat kā

palak jhapakte vo zarre ko tuur kar degā

umiid us se lagā jis se lau lagā.ī hai

siyāh-baḳht ko vo māh-e-nūr kar degā

'karan' ġhafūr hai bar-haq vo ḳhāliq-e-kaunain

gunah mu'āf vo tere zarūr kar degā

main jaanta tha ki wo be-shu'ur kar dega

mujhe tarashne baiThega chur kar dega

tumhein raqib se raghbat hai par yaqin jaano

huzur-e-man wo hamein dur dur kar dega

use kaho meri turbat pe fatiha paDh de

wo kuchh kare na kare ye zarur kar dega

ye nam nigahen teri ruswa tujh ko kar dengi

hamein zalil dil-e-na-sabur kar dega

use hi chahna us ko hi chahte rahna

hamein yaqin tha dil ye qusur kar dega

tujhe KHayal kahan hai KHuda ki 'azmat ka

palak jhapakte wo zarre ko tur kar dega

umid us se laga jis se lau lagai hai

siyah-baKHt ko wo mah-e-nur kar dega

'karan' ghafur hai bar-haq wo KHaliq-e-kaunain

gunah mu'af wo tere zarur kar dega