میں جو بھی زندگی سی کر رہا ہوں

میں جو بھی زندگی سی کر رہا ہوں

بدن کی جی حضوری کر رہا ہوں

یہ سانسیں ملکیت تو موت کی ہیں

مجھے لگتا ہے چوری کر رہا ہوں

بدن کا کیا بھروسہ کب چلا جائے

تبھی تو اتنی جلدی کر رہا ہوں

بہت تاریخ کا کوڑا ہے ہر سمت

میں دنیا کی صفائی کر رہا ہوں

خدا رزاق ہے صرف اس یقیں پر

یہ کاروبار دینی کر رہا ہوں

تمہیں کیوں آسمانی لگ رہی ہیں

میں باتیں تو زمینی کر رہا ہوں

جو پکا دوزخی ہے فرحت احساسؔ

رلا کر کچھ بہشتی کر رہا ہوں