میں کسی طور بنا پایہ نہیں کام کا دکھ

میں کسی طور بنا پایہ نہیں کام کا دکھ

سو مرے پاس بچا بھی تو فقط نام کا دکھ

آج ہم پر یوں کھلا گردش ایام کا دکھ

جیسے کھلتا ہے جنک نندنی پہ رام کا دکھ

کس کو معلوم ہوا ہے دل ناکام کا دکھ

کس پہ ہوتا ہے عیاں آخری پیغام کا دکھ

گھر میں بیٹھوں تو کھٹکتی ہے خموشی کی صدا

دشت کو جاؤں تو رہتا ہے در و بام کا دکھ

روشنی کا ہی میں حصہ تھا مگر اسم شفق

میرے حصے میں رہا صبح کا غم شام کا دکھ

ایک تو سینچنے کا درد لہو سے تجھ کو

تس پر اے شاخ تیری حسرت گلفام کا دکھ

اور سب کچھ تو چلے چھوڑ کے نقاشؔ میاں

رہ گیا سر پہ سر شام سر شام کا دکھ