main kya hun kaun hun ye bhi KHabar nahin mujhko

Hadi Machlishahri

main kya hun kaun hun ye bhi KHabar nahin mujhko

Hadi Machlishahri

MORE BYHadi Machlishahri

    maiñ kyā huuñ kaun huuñ ye bhī ḳhabar nahīñ mujh ko

    vo is tarah mirī hastī pe chhā.e jaate haiñ

    ḳhayāl abhī aayā thā kū-e-jānāñ

    ye haal hai ki qadam Dagmagā.e jaate haiñ

    vo pūchhte haiñ dil-e-mubtalā haal aur ham

    javāb meñ faqat aañsū bahā.e jaate haiñ

    kahāñ hai shauq batā ġhairat-e-kashish terī

    vo merī ḳhaak se dāman bachā.e jaate haiñ

    miTā rahe haiñ vo kyuuñ dāġh-hā-e-dil 'hādī'

    charāġh kyuuñ ye jalā kar bujhā.e jaate haiñ

    main kya hun kaun hun ye bhi KHabar nahin mujh ko

    wo is tarah meri hasti pe chhae jate hain

    KHayal hi abhi aaya tha ku-e-jaanan ka

    ye haal hai ki qadam Dagmagae jate hain

    wo puchhte hain dil-e-mubtala ka haal aur hum

    jawab mein faqat aansu bahae jate hain

    kahan hai shauq bata ghairat-e-kashish teri

    wo meri KHak se daman bachae jate hain

    miTa rahe hain wo kyun dagh-ha-e-dil 'hadi'

    charagh kyun ye jala kar bujhae jate hain

    Source :
    • Book : Jadeed Shora-e-Urdu (Pg. 523)
    • Author : Dr. Abdul Wahid
    • Publication : Feroz sons Printers Publishers and Stationers
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now