main mar jaun to meri lash par afsos tum karna

maiñ mar jā.ūñ to merī laash par afsos tum karnā

nahīñ ho pā.egā tum se magar afsos tum karnā

vo din ḳhushiyoñ-bhare vāpas nahīñ ā.eñge ab lekin

hamārā āḳhirī hai ye safar afsos tum karnā

maiñ tum ko zindagī ke aise do-rāhe pe chhoḌūñgā

udhar ḳhushiyāñ manānā tum idhar afsos tum karnā

mubārak ho tumheñ sūraj tumhārā mil gayā jaao

milegā jab mujhe merā qamar afsos tum karnā

basā kar ġhair ko ghar meñ mirā dil toḌne vaale

mirī shādī kī sun kar ab ḳhabar afsos tum karnā

ġharīboñ se to netā jī nahīñ hai tum ko hamdardī

magar paḌ jaa.e jab un pe nazar afsos tum karnā

karo afsos yuuñ afsos ko afsos ho tum par

suno 'raushan' ki ab se is qadar afsos tum karnā

main mar jaun to meri lash par afsos tum karna

nahin ho paega tum se magar afsos tum karna

wo din KHushiyon-bhare wapas nahin aaenge ab lekin

hamara aaKHiri hai ye safar afsos tum karna

main tum ko zindagi ke aise do-rahe pe chhoDunga

udhar KHushiyan manana tum idhar afsos tum karna

mubarak ho tumhein suraj tumhaara mil gaya jao

milega jab mujhe mera qamar afsos tum karna

basa kar ghair ko ghar mein mera dil toDne wale

meri shadi ki sun kar ab KHabar afsos tum karna

gharibon se to neta ji nahin hai tum ko hamdardi

magar paD jae jab un pe nazar afsos tum karna

karo afsos yun afsos ko afsos ho tum par

suno 'raushan' ki ab se is qadar afsos tum karna