main mar na jaun kahin ai sarapa nur badan

maiñ mar na jā.ūñ kahīñ ai sarāpā nuur badan

kabhī nigāh meñ aayā nahīñ hai huur badan

tajalliyāt ko apnī ḳhifā meñ rakhiyo piyā

havas ke māroñ kī manzil hai aisā tūr-badan

do ek roz meñ zarrāt uḌte dekhoge

hai inhitāt-e-vajūdī se chūr-chūr badan

khaḌī hai ruuh Thikāne pe sākit-o-jāmid

ye pahlī baar huā jo huā hai duur badan

ye mo'jiza hai karāmat hai ab ḳhudā jaane

zamīn letī nahīñ hai ba-juz tahūr-badan

firotanī ne numāyāñ kiyā hai insāñ ko

asīr-e-ḳhāk hue haiñ sabhī ġhurūr-badan

main mar na jaun kahin ai sarapa nur badan

kabhi nigah mein aaya nahin hai hur badan

tajalliyat ko apni KHifa mein rakhiyo piya

hawas ke maron ki manzil hai aisa tur-badan

do ek roz mein zarraat uDte dekhoge

hai inhitat-e-wajudi se chur-chur badan

khaDi hai ruh Thikane pe sakit-o-jamid

ye pahli bar hua jo hua hai dur badan

ye mo'jiza hai karamat hai ab KHuda jaane

zamin leti nahin hai ba-juz tahur-badan

firotani ne numayan kiya hai insan ko

asir-e-KHak hue hain sabhi ghurur-badan